Ullmhaigh
Paisinéirí atá ag Imeacht
Cabhraigh linn na scuainí sa limistéar rialaithe slándála a laghdú trína chinntiú nach bpacálann tú míreanna toirmiscthe i do bhagáiste láimhe. Déan cinnte de go bhfágann tú go leor ama tar éis seiceáil isteach le haghaidh an phróisis scagtha slándála. Ba cheart do phaisinéirí féachaint leis an bhfoirgneamh críochfoirt a bhaint amach 90 nóiméad ar a laghad roimh am imeachta a n-eitilte, beag beann ar cé acu is ar líne nó ag an aerfort atá siad ag seiceáil isteach. Ba mhaith le hAerfort Bhaile Átha Cliath buíochas a ghabháil le gach paisinéir as cloí leis na nósanna imeachta slándála
- Seiceáil isteach - seiceáil isteach ar líne le d’aerlíne, bain úsáid as ár ngléasanna seiceála isteach féinseirbhíse ag an aerfort nó seiceáil isteach ag deasc na haerlíne
- Glacadh bagáiste - fág go leor ama chun do bhagáiste a fhágáil tar éis duit seiceáil isteach
Slándáil
Bain taobh an aeir amach go tapa trí ullmhú le haghaidh slándáil aerfoirt
- Moltar do phaisinéirí gan ach píosa AMHÁIN de bhagáiste láimhe a thabhairt leo
- Ba cheart míreanna géara a bhaint den bhagáiste láimhe agus iad a chur i mbagáiste seiceáilte isteach
- Sula dtugann tú aghaidh ar an aerfort, seiceáil an bhfuil d’eitilt in am nó nach bhfuil agus deimhnigh an t-am a n-éilíonn d’aerlíne ort seiceáil isteach faoi
- Molann Aerfort Bhaile Átha Cliath duit an t-aerfort a bhaint amach 90 nóiméad ar a laghad sula n-imíonn d’eitilt sceidealaithe
- Bí foighneach má bhíonn ort ciúáil ag na seiceálacha slándála. Tá sábháilteacht ár gcuid paisinéirí ar an tosaíocht is mó atá againn
